清酒鮑魚。迎新春

2012年2月10日 (星期日)  16-20C 晴

大年初一, 與家人一如既往到酒樓飲過茶後, 便回家弄個既簡單且美味的賀年菜式, 順道帶回娘家與家人品嘗。久違了把在網上學成的自家菜分享, 趁著假期有空又來一趟。過年前已預早買定罐頭鮑來備年, 希望成功完成。(菜譜是參照網上一位識飲識食的人氣博客)

材料：

只要是罐頭鮑魚一罐。至於坊間牌子邊隻好? 無論選擇產地來自南非, 澳洲, 紐西蘭, 日本等, 當然悉隨尊便, 豐儉由人。 在網上參考過這個食譜, 由於屋企亦剛好有日本清酒, 而且菜式亦只適宜以罐頭鮑及日本清酒來烹煮，所以我那樽購自北海道的清酒終大派用場。罐頭鮑魚的size則以一罐十隻效果最佳。個子不過大, 不用太長的烹煮時間也會入味，亦不會太小而欠缺賣相。緊記開罐後, 千萬不要把鮑魚水倒掉, 鮑魚水是這個汁的精華。

鮑魚+ 鮑魚水備用：

吃熱的: 最快一小時可以了. 如想入味點, 再可慢火炆多1小時；

吃凍的: 炆完後, 需多四小時冷藏.

事前準備: 

為了使鮑魚更入味, 可預先在鮑魚背面以橫橫直直界成格仔狀, 界花時務必輕手以免界得太深, 並小心切到手受傷。

鮑汁材料：

鮑魚水成罐（罐內所有浸著鮑魚的汁）

日本清酒300毫升

清水300毫升(與清酒同等份量)

薑及葱少許

蠔油90克（兩茶匙左右）

日本醬油80毫升（五湯匙左右）

糖35克（三茶匙左右）

麻油1湯匙

步驟：

1. 先將清酒及清水(同等分量)倒進煲子內，再把薑及葱段大火將之煲滾; 水滾後，將薑及葱撈起；

2. 依次序將鮑魚水、醬油、糖、蠔油、麻油全部放入煲中，再大火煲至全滾（小心滾瀉！);

3. 將鮑魚放下已滾好的醬汁中，再燒開至全滾才轉最慢火繼續煲;

4. 如是者浸煮半小時大概會聞到一室鮑魚香味，至一小時醬汁全收杰至大概只剩一半份量。此時鮑魚色澤轉深也亦即是已完成;

5. 將之撈起，想熱食的可以即食。想凍食的，將之抖涼再淋上一點醬汁以保鮮紙密封，將之放入雪櫃下層雪三小時就食得, 如想入味點, 再可慢火炆多1小時;

6. 煮過鮑魚剩下來的醬汁也不要隨手棄掉，除了可用之扣煮北菇鵝掌，鮑汁雞翼,又或是簡單的拿去撈麵撈菜。以密實袋將之密封放進雪櫃冰格，可保存幾星期也沒問題。

成功了! 準備開餐!

在此多謝飲食達人的推介分享 ! 

謹祝各位豐衣足食, 家肥屋潤!